نورة فوزي المديرة العامة
مزاجي :
عدد المساهمات : 1107
نقاط : 53401
تاريخ التسجيل : 04/04/2010
العمر : 42
| موضوع: دليل الموفدة الى كنـــــــــــــــــــدا السبت أبريل 10, 2010 5:29 pm | |
| الأشياء التي من المهم احضارها معك
_ القران الكريم
_ ساعة الاذان (( عشان تسمع الاذان في بيتك )) _ سجاجيد وشراشف صلاه _تمر سكري _ قهوه وهيل وبهارات (الماجي موجود- الفلفل الأسود موجود – كل شيء متوفر...يعني ما لها داعي تنقلون عطار كامل) _ترامس قهوه واباريق شاي ودلة التفويح للقهوه _حافظات للأكل (بيني و بينكم...ما لها داعي...لكن كتبتها لأن البعض ما يستغني عنها) _ فناجيل وبيالات الشاي _سفر للاكل اذا حاب (هنا مافيه حتى في البقالات العربيه ) _مترجم ناطق (حاول ما تستخدمه إلا في أضيق الأحوال...يعني مصطلحات طبية أو قانونية) _اي جهاز كهربائي تبي تجيبه لازم يكون 110 ( كل كندا 110) _بخور ومبخره (اذا حاب) _اذا حاب تجيبون معكم شطاف للحمام الله يكرمك حنا جبنا وقلنا لصاحب البيت وركبناه بالبيت _ شهادات التطعيم للأطفال عشان تكملون تطعيماتهم هنا
شحن الأغراض لكندا
يتم تخزين الاشياء السابقه في كراتين
ويفضل الشحن قبل اخر يوم من المغادره لانها تاخذ عاده من 10 ايام إلى أسبوعين لين توصل عشان يمديكم تستقرون
توجد شركات متعدده تشحن وتكون عن طريق المكاتب السياحيه
نذكر على سبيل المثال الطيار والمؤيد وهناك نوعين من الشحن ( للمطار او للمنزل)
الشحن للمطار :
السعر يتراوح بين 8 ريال الى 12 ريال للكيلو بس لازم اول ماتوصل الاغراض الى كندا تستلمونها فورا لان اي تأخير فيه عليه غرامة وبعد لازم اجار سيارة عشان استلام الاغراض وتوصيلها للبيت
الشحن للبيت:
السعر تقريبا 10 ريال للكيلو ويتم توصيل الاغراض الى باب المنزل
وجهة نظري: لا تشحن شيء معك، حط الأغراض اللي تبيها في كرتون و جبها معاك. بتقولون التمر ثقيل، لا تجيب كثير كل ما تنزل للسعودية جب معاك كم كيس و قضينا. صدقوني..كل شيء متواجد هنا كللللللل شيء. فيه وحدة أعرفها تشحن رز الشعلان ! تخيلوا بس...و الله فيه أناوع رز هنا تاخذ العقل...اشتروا بسمتي long grain و هذي أسماء كم نوع
-رز لا جواب <<< لا تدققون بالاسم - رز تيلدا و عموما أي رز بسمتي كويس و الهنود هنا وش كثرهم ما شاء الله
احضار الخادمة:
فيه شروط معينه لاحضارها وهي
- لازم تكون على كفالتكم سنة كاملة ماتنقص يوم واحد.
- خطاب من الكفيل للسفارة يطلب اعطاؤها التأشيرة للعمل. - رسوم التأشرة + الصور - لازم كتابة عقد بينكم وبينها باللغة الانجليزية يوضح فيه : o عدد ساعات العمل اليومية ( 8 ساعات) o لها غرفه خاصة تسكن فيها. o لها اجازة يوم في الاسبوع o لها اجازة سنوية شهر في السنة o الراتب ويفضل لايقل عن 1500 دولار
طبعا احتمال يسوون معها مقابله عشان كذا لازم تفهمونها هالمعلومات زين
ولازم تحتفظون بنسخة من جميع الاوراق اللي قدمتوتها لان بعد سنة راح تحتاجونها لعمل التجديد
فيه ناس قدموا على شغالات من كندا....لكن لازم يصير الواحد permanent residence علشان يقدم و يجي المكتب يقابلكم و باخذ شروطكم بعدين يعطيها للخدامة و إذا وافقت كتبتوا العقد ( ياخذ له الموضوع 4-6 شهور)
• وجهة نظري الشخصية الشغالة ما لها داعي أبداااااااااااا....يعني البيوت هنا مو زي السعودية، لا من ناحية كبرها و لا من ناحية طريقة التنظيف...هذا إذا ما عشتوا في شقة بعد. و إذا مررة ما تستغنون عن الشغالة...فيه خادمات تتفقين معاهم على مرة بالأسبوع و مرتين يجون ينظفون لك.
و هذا موقع لشكة تنظيف على سبيل المثال لا الحصر...و اللي يبي شركات ثانية يقول لي عن المدينة و الولاية و أنا أجيب لكم معلومات أكثر
Molly Maid
[ندعوك للتسجيل في المنتدى أو التعريف بنفسك لمعاينة هذا الرابط]
المستشفيات في كندا
عند الوصول إلى كندا لازم تطلع لك بطاقة تأمين صحي لك و لعائلتك. كل ولاية لها نظام تأمين مختلف. علشان كذا ما راح أحط موقع التأمين الصحي لكل الولايات، لكن هذا موقع ولاية ألبرتا لتأمين الصحي
[ندعوك للتسجيل في المنتدى أو التعريف بنفسك لمعاينة هذا الرابط]
و التأمين الصحي يغطي تقريبا كل شيء ما عدا الأسنان إلا في أضيق الحالات، لكن الملحقية تعوضك على كل شيء بخصوص الأسنان ماعدا التقويم و التبييض. و التأمين الصحي ما يغطي بعد فحص النظر و عمليات الليزر و الليزك و لا يغطي الأدوية.
لما تروح تطلع تأمين صحي يلزمك ال study permit و جوازك.
الرعاية الصحية في كندا مستواها عالي جدا ، و فيها ميزة إن التأمين فيها مو زي أمريكا ( صرت زي الكنديين لا بغوا يثبتون تطورهم في شيء قالوا ترانا أزين من أمريكا) المهم، التأمين هنا حكومي مو شركات، بأمريكا أشوف بعض المستشفيات ما تقبل تأمين الملحقية السعودية، هنا الأمور وحدة و أسهل بكثير
المدارس والحضانـــــــــــــه
يحق للاطفال دخول المدارس من سن خمس سنوات مجانا و اللي هي مرحلة التمهيدي أو Kinder Garden
و إذا مرررة مستعجل على طفلك فيه مدراس يسمونها pre-school من سنة3 سنوات...بحيث يصير دوامهم3 ساعات يوميا
و في الحضانات و هي نوعين: Day Care:
Home Care:
و هذا حضانة تستقبل على الاغلب من عمر 0 – 12 سنة ( طبعا من عمر 5-12) بعد ما يطلعون من المدارس إذا الاهل يداومون إلى وقت متأخر) و أسعارها غالية. و كل ما صغر عمر الطفل كل ما صار أصعب إنك تلقى له مكان و يصير أغلى بعد. و هذا حضانة منزلية. ميزتها إنها زي البيت، أقل التزام من الحضانة العادية، أرخص. لكن عيبها إن وين و ين تلقى حضانة منزليه عليها العلم.
توجد مدارس سعوديه في عدد من المدن بامكان تدخل اولادك فيها وعاده هي تكون يوم بالاسبوع، يوم السبت الصباح، مكان المدرسة هو النادي السعودي. و اللي يدرسون في الأغلب عرب. لكن دايما الأطفال ما يحبونها. لأنهم على نظام التلقين + يعطونهم واجبات كثيرة و أغلب الأطفال في عمر الدراسة لغتهم الأولى انجليزي...
البنوك
CIBC Bank
بنك كويس و مودرن زي ما يقولون...كل شيء يسوونه سريع سريع و حساب الملحقيه فيه
[ندعوك للتسجيل في المنتدى أو التعريف بنفسك لمعاينة هذا الرابط]
RBC Bank
أقدم بنوك كندا...بنك ميت و يجيب الهم...بطيئين، مرة جيت بحول لحساب شركة من عندهم علوا قلبي...كل موظفينهم شياب و عجز
[ندعوك للتسجيل في المنتدى أو التعريف بنفسك لمعاينة هذا الرابط]
TD Canada Trust
يسموونه راجحي كندا. عاد ما يحتاج أفصل
[ندعوك للتسجيل في المنتدى أو التعريف بنفسك لمعاينة هذا الرابط]
هذي البنوك الرئيسية تقريبا...ما حطيتها كلها...
بس إذا جيتوا تطلعون فيزا طلعوا ال aerogold علشان يحسبون لكم ميل جوي واحد لكل دولار تصرفونه. و حتى إذا طلعتوا تذاكر من الملحقية لما تجون تحجزون عطوهم رقم ال aeroplan حقكم و يضيفون لكم الأميال...تطلع لكم شيء بعد سنتين. حلوة مررة
***يتــــــــــــبع | |
|
نورة فوزي المديرة العامة
مزاجي :
عدد المساهمات : 1107
نقاط : 53401
تاريخ التسجيل : 04/04/2010
العمر : 42
| موضوع: رد: دليل الموفدة الى كنـــــــــــــــــــدا السبت أبريل 10, 2010 5:33 pm | |
| شركات الجوال:
هناك أكثر من شركة جوال في كندا:
[ندعوك للتسجيل في المنتدى أو التعريف بنفسك لمعاينة هذا الرابط]
Bell mobility
[ندعوك للتسجيل في المنتدى أو التعريف بنفسك لمعاينة هذا الرابط]
Telus
[ندعوك للتسجيل في المنتدى أو التعريف بنفسك لمعاينة هذا الرابط]
شركة rogers هي الوحيدة اللي شبكتها GSM يعني زي السعودية..يعطونك شريحة و جهاز مجاني إذا سويت معاهم عقد، على حسب سنتين ، 3 سنين ، 4 سنين. و لو كان الجهاز اللي تبيه غير اللي عطوك...ممكن تدفع مبلغ زيادة، يعني بعضها 50 دولار أو مية بالكثير.
شركتي Telus & Bell هذول يعطونك جهاز مبرمج...بحيث الجهاز ما يشتغل إذا رحت للسعودية. و أسعارهم أرخص من Rogers
التلفزيون
أو الكايبل زي ما يقولون هنا. تاخذ ال package على كيفك. يعني في الباكيج العادي ولو تبي قنوات زيادة تدفع.
شركات الكيبل
[ندعوك للتسجيل في المنتدى أو التعريف بنفسك لمعاينة هذا الرابط]
Shaw
[ندعوك للتسجيل في المنتدى أو التعريف بنفسك لمعاينة هذا الرابط]
Telus
[ندعوك للتسجيل في المنتدى أو التعريف بنفسك لمعاينة هذا الرابط]
بعض الشركات تعطيك تخفيض إذا صارت كل الخدمات منهم ( جوال – تليفون ثابت – كيبل)
الدش العربي...
نوعين..
النوع الأول: تدفع مرة وحدة و يركبون لك دش يجيب لك قنوات ( السعودية-قطر-الكويت – الجزيرة الانجليزي- السودان – أبوظبي الرياضية – العالم- سورية – العراقية)
النوع الثاني: تدفع أول مرة علشان تركيب الدش بعدين كل سنة تدفع 500 دولار كندي. يجيب لك القنوات الصاحية ( العربية – الجزيرة – دبي– المستقبل- LBC- ART- MBC) و كم قناة زيادة.
شراء سيارة
في كندا يقدرون السيارات اليابانية، و تمسك سعرها هنا إذا جيت تبيعها...عكس الأمريكية اللي مررررررررررررة يطيح سعرها لا جيت تبيعها. تويتا هنا ما فيه أغلى منها.
إذا كنت جالس ماكسمم 3-4 سنوات أقول لك اشتر سيارة مستعملة لكن انتبه لل interest rate لأنه يصير مرررة عالي أحيانا إذا صارت السيارة مستعملة و ممكن يجيب لك سعر جديدة. علشان كذا قارن و خذ وقتك قبل لا تشتري سيارة مستعملة.
إذا جالس أكثر من 4 سنوات...نصيحة اشتر جديدة، من تجارب ناس كثيييييرة...تخرب السيارة المستعملة عليهم قبل ما يسافرون بفترة قصيرة و يضطرون يشترون وحدة غيرها، هذاغير الصداع اللي يبي يسببه لك، غير إن التأمين بيصير أعلى للسيارة المستعملة.
الرخصة
أول ما توصل تروح لشي اسمه ال Registery Office و هذا امكتب يعادل لك رخصتك الدولية لكن لازم يسوون لك اختبار تحريري عن ال signs و قوانين السرعة و هالأشياء...و أحلى شيء في الموضوع إن 99% من الرجال السعوديين يرسبون في هذا الاختبار و حريمهم ينجحون، لأن الرجال ما يذاكرون له على أساس خبرة، بس نصيحتي لكم ذاكروا علشان ما تضطرون تعيدونه مرة ثانية
شركات التأمين
لا تصدقهم لما يقولون إن شركة التأمين هذي أسعارها حلوة، لأن معدل أو ال Rate للتأمين يجيهم من الحكومة...يعني تقريبا كل الشركات almost the same
وحدة من الشركات
[ندعوك للتسجيل في المنتدى أو التعريف بنفسك لمعاينة هذا الرابط]
السوبرماركت
وأشهرهم في كندا
ويعتبر ارخص سوبرماركت في كندا
موقعهم على النت
[ندعوك للتسجيل في المنتدى أو التعريف بنفسك لمعاينة هذا الرابط]
Save on Foods
أسعاره فوق المتوسط
موقعهم على النت
[ندعوك للتسجيل في المنتدى أو التعريف بنفسك لمعاينة هذا الرابط]
Sobeys
أرخص من save on food لكن أغلى من superstore
موقعهم على النت [ندعوك للتسجيل في المنتدى أو التعريف بنفسك لمعاينة هذا الرابط]
Safeway
يعتبر الأغلى
موقعهم على النت
[ندعوك للتسجيل في المنتدى أو التعريف بنفسك لمعاينة هذا الرابط]
Costco
و هو سوبر ماركت بالجملة، لازم تدفع اشتراك 50 أو 100 دولار بالسنة، يقال إن أسعاره أرخص من الباقين، لكن يبيع بالجملة...يعني كميات مهولة، فيه ناس مجانين كوسكو. وجهة نظري أحس إنه يلعب على العالم...لا أرخص و لا ما يحزنون...أنا اشتركت سنة و كل هالسنة و أنا أقارن...ما حصلت فرق + يصلح لناس عندهم أكثر من طفلين أو أطفال بالمدرسة علشان ال snacks و هالأشياء.
موقعهم على النت
[ندعوك للتسجيل في المنتدى أو التعريف بنفسك لمعاينة هذا الرابط]
ميزة كندا إن محلاتها ما تقفل إلا الساعة 9 بالليل مو زي أوروبا الساعة 6....طبعا المولات تقفل على الساعة 6 يوم الأحد بس..
ما حبيت اتكلم عن التسوق و المولات ، لأن الأغلب جاي دراسة مو سياحة...يعني مو هذاك الأولوية...لكن لازم أقول لكم عن ال Boxing Day اللي هو26 ديسمبر من كل سنة و الأسعار فيه تنزل لبعض الأشياء ( خاصة الالكترونيات) 75% و الملابس و أغلب الأشياء 50% فتشوف هجوم على المولات...يعني لو بتشري هدايا خلها هذاك اليوم اوفر لجيبك.
الأثاث ايكيا
موجود في كل مدينة كندية تقريبا نفس أسعار السعودية، بعض الناس يقولون الجودة هنا أحسن، عاد مدري هم صادقين و إلا عندهم عقدة كل شيء برا السعودية أصرف !
[ندعوك للتسجيل في المنتدى أو التعريف بنفسك لمعاينة هذا الرابط]
The Brick
هذا أكبر نصاب في الحياة...يعني شفت شركات نصابة لكن لهذي الدرجة ما شفت، كل ويك إند هو ويك إند التخفيضات اللي ما عمرها صارت...و ربي...بكمل 5 سنين بكندا كل ويك إند كل long week end كل أجازة آخر تخفيض...آخر عرض...هالإجازة هي العرض اللي ما يتفوت و من هالموال...و عاد يا ليتهم يستاهلون...محل عادي و غالي !
موقع ممتاز لمعرفة اوقات الصلاه و اماكن المساجد في اي مدينه في كندا فقط اختار اسم المدينه
[ندعوك للتسجيل في المنتدى أو التعريف بنفسك لمعاينة هذا الرابط]
بس حط ال zip code لبيتك أو شقتك و يطلع لك أوقات الصلاة، على فكرة..الأوقات مو مرة مضبوطة...يعني آخر 5 دقايق على الوقت اللي حاطينه...و الأفل تشتري التقويم الإسلامي من مسجد المدينة حقتك
وممكن تنزل البرنامج من الموقع في جهازك يأذن للصلاة اذا جاء وقتها
[ندعوك للتسجيل في المنتدى أو التعريف بنفسك لمعاينة هذا الرابط]
شركات الطيران
أول كان فيه شركات طيران ممكن نسميها اقتصادية زي سما و ناس لكن الحين ال Air Canada صارت توفر هذا النوع من التذاكر بشرط ما تقدر تغير و لا شيء فيها...صح رخيصة لكن بلشة. علشان كذا نصيحتي لكم احجزا بوقت طوووووووووووووويل إذا ناوين تسافرون جوى كندا.
[ندعوك للتسجيل في المنتدى أو التعريف بنفسك لمعاينة هذا الرابط]
West jet
[ندعوك للتسجيل في المنتدى أو التعريف بنفسك لمعاينة هذا الرابط]
United Airlines
[ندعوك للتسجيل في المنتدى أو التعريف بنفسك لمعاينة هذا الرابط]
هذول خطوط طيران الفروض إنها رخيصة...لكن مو هذاك الفرق عن air Canada
و للمعلومية...ترى الوجبات لازم تدفع لها زيادة إذا تبي، لكن الأغلب يجيبون أكل معاهم . هذا نظام بس للرحلات الداخلية.
الوزن: لكل راكب قطعة 50 باوند أو 23 كيلو ، طبعا على الدرجة السياحية...و أي قطعة زيادة تدفع 25 دولار
السينما
اول كان فيه شركتين للسينما الحين صار احتكار و الشركة الكبيرة Cineplex odeon شرت الشركة الأصغر منها Silver city
هذا موقع الشركة....حط اسم مدينتك و الولاية و تشوف وش أقرب سينما لسكنك
[ندعوك للتسجيل في المنتدى أو التعريف بنفسك لمعاينة هذا الرابط]
الجو
طبعا فيه ناس متخيلين كندا القطب الشمالي ، و هذا غير صحيح <<< قولي ق !
عندكم المدن : Winnipeg – Edmonton – Calgary تعتبر مدن باردة طبعا أبردها و أكثرها كآبة بلا منازع Winnipeg ، درجات الحرارة ممكن توصا -45 مع الريح...لكن ما تموتون لا تخافون...الكنديين جدا متكيفيين مع جوهم ، و راح تصير مثلهم من ثاني سنة...هي أول سنة اللي مريعة ثاني سنة تقول إذا قالوا لك درجة الحرارة -10 واااااو دفا !
اما المدن : Toronto – Ottawa- Montreal – Hamilton – London تعتبر متوسطة البرودة ، توصل درجة الحرارة ماكسمم -30 لكن أحيانا قليلة
المدن : St.John – Halifax – Vancouver – Victoria مدن ساحلية و لا عندها هذاك البرد...مير فانكوفر و فكتوريا ما يعرفون الثلج ..قلييييييييل يجيهم...و هاليفاكس مشكلتها إنها كئيبة + منفوحة + تجيها عواصف لأنها على الأطلسي
منقــــــــــــــــــــــــــــــــــول للفائدة | |
|
أم دينا موفد جديد
مزاجي :
عدد المساهمات : 3
نقاط : 35183
تاريخ التسجيل : 01/08/2014
| موضوع: رد: دليل الموفدة الى كنـــــــــــــــــــدا الجمعة أغسطس 01, 2014 5:00 am | |
| انا من ليبيا لكن لا يوجد عندنا شطاف السفر هل يوجد في كندا ويا ريت لو يوجد اسم الحل | |
|