سلام يا بنات اريد صديقة

السلام عليكم اريد صديقة او صديقات اتعرف عليهن واحكي معاهن لاني جديدة واريد ان اعرف بعض الشيء وارحب بيكم كما تعرفون انا جديدة في المنتدى

السلام عليكم كيف حالكى اختى سومة انا جود وانا ارحب بيكى كصديقة انا ايضا جديدة فى المنتدى وانا موفدة لدولة استراليا هل انتى موفدة ايضا ؟انا متزوجة وانتظر مولودى الاول انشالله ارجو منكى ان تراسلبنى لانى احب التعارف كثيرا

وعليكم السلام يا جود انا موفاخدي الايلتس في سنتدة ايضا والان في مالطا ادرس لغة ومسجلة في امتحان الايلتس تخصصي لغة انجليزية واريد ان اسأل عن الدراسة هل سهلة وصحيح وانخدي الماستر في سنة او ونص لاني افكر اغير الساحة لان فيه سنة استدراكية وقالو لنا صعبة على فكرة انا ولدت طفلي في مالطا و توا عمره 4 شهور و20 يوم وانشاالله انتي تولدي بخير وسلامة ويتربا في عزكم انا من بنغازي وانتي من وين سلام

كيف حالك يا اختي جود انشاالله بخير وينك امس دزيتلك رسالة وما في رد وشنو جو رمضان في استراليا بالنسبة لي تعود ت عليه في مالطا والاسبوع الجاي نبدأ انشالله في االمعهد لاني خديت اجازة في رمضان سلام وانا حاليا انتفرج عالباب الحارة

السلام عليكى اختى سوما اسفة لاتى تاخرت فى الرد بالنسبة لى انا من الجبل الاخضر من مدينة القبة وانا الان حاليا لاازال فى ليبيا وانشالله ساسافر الى استراليا فى نهاية هذة السنة على فكرة انا ايضا تخصصى لغة انجليزية وبالنسبة لسؤالك عن الدراسة صدقينى لايوجد شى صعب لانكى اذا ثابرتى ستنجحين باذن الله اما عن الماستر فتستطعين اخذها خلال سنة واحدة اذا كانت دراستكى جيدة واتمنى من الله ان يوفقكى ويسهل دربكى واتمنى من الله ان نلتقى ونتعارف جيدا واذا اردتى تغيير الساحة ياريت تغيريها على استراليا لانها دولة رائعة جدا وربما نلتقى هناك اذا شاء الله وارجوكى ان تدعيلى ان الد بخير وسلامة لانى خائفة كثيرا فقد اجهضت من قبل ولااريد ان تتكرر ثانية سلامى الحار لكى اختى العزيزة على فكرة مااسم ولدك

وعليكم السلام جود وكل عام وانتي بخير وبالنسبة للدراسة لو تقدري تقري انصحك بان تاخذي الايلتس في ليبيا انا سمعت في البيضاء تقدري تمتحني لكن تقري شهر عندهم مانبيش انخوفك يمكن في ليبيا التصحيح يكون من البريطانيين وتصحيحهم ساهل حاولي انتي واعتقد ان استراليا طالبة6 او ستة ونص وانشاالله تجيبي بخير وسلامة وتو ديما ندعيلك واسمي ولي حمادي يعني محمد وحاولي ما تمشيش واجد لكن في بداية التاسع تمشي وكولي تمر معصد بالزيت الزيتون وقرفة والله مجرب وانتي توا في الشهر اللم سلامي على فكرة في ناس من القبة قاعدين في مالطا

كيف حالكى اختى سوما لقد فرحت كثيرا عندما قرات رسالتكى انا اعرف جيدا ان الايلتس يتطلب ستة ونص لهذا طلبوا منى ان اجرى امتحان هنا فى ليبيا قبل ان اغادر الى استراليا ولهذا انشالله ساذهب الاسوع القادم الى طرابلس لاجرى الامتحان فادعيلى بالتوفيق على فكرة تقدرى تقوليللى من هم الناس اللى فى مالطا من القبة واريد ان تبعثيلى ايميلك حتى اراسلكى شخصيا سلامى لكى ولولدكى حمادى

السلام عليكن واهلا وسخلا بكن في المنتدى
ولا اريد ان ارحب بكن لانني اعتبركن اخواتي وفي بيتكن الثاني
واتمنى منكن دوام التواصل واي شئ انا في خدمتكن
1398d79b-3754-477f-9d62-b986ad57f4c1
1.03.01

سلام يا جود انشاالله بالتوفيق وانا ايا عندي امتحان لاني سجلت في شهرين 10 و11 وبعدها نبي انجي ليبيا علشان اييشوفوا حمادي وايضا عالعيد انشاالله بالنسبة لامي جتني في مالطا معها اخي اما الباقي ماشافوش خصوصا ابي ديما يسأل عليه وعمتي وعمي والناس اللي من القبة الزوج اسمه نافع صديق زوجي وزوجته الموفدة وايضا عندنا اقربائنا من القبة ايكونو هارون القبائلي ولد عمت ابي وعمي وعند عياله كبار ومتزوجين نوري وعادل وهذا ايميلي [ندعوك للتسجيل في المنتدى أو التعريف بنفسك لمعاينة هذا الرابط] سلامي

سلام جود العرب اللي من القبة اسمه نافع سعد سليمان القابسي كان يشتغل بالجامعة القبة اعتقد مضيف وزوجته مرزوقة فرج العوكلي من لبراق

السلام علبكي اخت سوما انا مشتركة جديدة وفي البلاد جديدة انا في امريكا الايام الاولى ديمه صعبة وانا ليا 4 اشهر ومازال انحس في روحي عندي صعوبة كبيرة واحمدى ربي هلبه انتي مالطا تعتبر مش غربة الله على امريكا والبعد الحقيقى ربي ايوفقك ويوفق الجميع

وعليكم السلام و رحمة الله وبركاته كيف حالك وانشاالله اجمعين بالتوفيق وانشاالله تمر السنين بسرعة وتردي الاهلك وتشوفيهم صحيح اني في مالطا وقريبة من ليبيا لكن مش متعودة اني نقعد بعيدة وانا لي 8شهور 22يوم في مالطا وامرايفة عالجميع لكن انشاالله ماشية في شهر11 بعد امتحان الايلتس وادعيلي بالنجاح وهم ايضا يبو ايشوفو البيبي لاني جيت المالطا وانا في نص التاسع وشنو الدراسة في امريكا هل طالبين الايلتس لان في يبو 6 ونص وبالنسبة لي انا من بنغازي انتي من وين سلام وخلينا على اتصال

اهلا اختي جود وسوما و تاكي
انا لازلت موجودة في ارض الوطن لاني من ذوي القرار الاخير 469
ولكن في الشهور القادمة سنسافر الى امريكا ولاية كولورادو
ونبي نستفيد منكن من ناحية الغربة وكيف تعاملتن معها

وعليكم السلام اختي نورة انا اسفة على تأخيري لاني كنت مشغولة بي لانه يطلع في سنون وايضا كان عندي امتحان الايلتس وانشالله ننجح فيه بالنسبة لسؤلك انشالله تسافرو رترجعو لارض الوطن من اول يوم تحسي بالغربة ولكن بعدها بيعجبك الجو وتنسجمي ونصيحتي اول شيء ديروا نت لانه استحالة تحسي بالغربة تحكي مع العيلة وتشوفيهم كانك معاهم وعيشي حياتك لانه مرة في العمر ولو كان عندك اطفال تو تنسجمي اكثر خصوصا لو كنتي مرافقة او موفدة بالنسبة لي موفدة لمالطا واول بيبي لي في مالطا ومنسجمة معه ومع زوجي طبعا وانشالله بالتوفيق وانكون افدتك وادعيلي انشالله ننجح في امتحان الايلتس تحيااااااااااااااااااااااااااااااااااااااااااااااااااااااااااتي اختك سسسسسسسسسسسسسسسسسسسسسسسسسسسسسسسسسسسسسسسسسسسسسسوما سلاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام

السلام عليكم ورحمة الله وبركاته
الاخوات الفاضلات انى طالبة فى استراليا 8 شهور وجديدة فى المنتدى ممكن تقبلونى بينكم صديقة حتى انى جيت حامل وجبت فى استراليا ودرت ايلتس هنا جبت 6ونص وتوة مقدمة على الجامعة وكان تبو اى معلومة على استراليا تحديداسيدنى انى فى الخدمة

هلا بيك وانشاالله بالتوفيق موفد المانيا اول مولودة رزقنة بيها عمرها 3 شهورفى المانيا ربى يوفق الجميع

السلام عليكم كيف حالكن يابنات اولا اريد ان اشكر مديرة المنتدى الرائعة على ترحيبها بى واقول لها انكى دائما متميزة بمواضيعكى الجميلة التى دائما تعجبنى وثانيا اريد ان اسال اختى butterfly بما انكى موفدة لاستراليا ارجو منكى ان تساعدينى وتجيبى عن بعض اسئلتى واولها كيف ساعتنى بابنتى فى الخارج هل يوجد مربيات ام مراكز حضانة وهل كلفتها غالية ارجو منكى ان تردى على استفسارتى

السلام عليكم... أريد التعرف علي صديقات واتمني أن تقبلوني صديقه لكم مع
تمنياتي للجميع بتوفيق.