تفضلو بدخول

مثل لو بنت عنده 3 اخوه اثنين يشتغلون وماقدور يسافور الى الولايات المتحده وعنده اخو عمره 17 تقدر تخذه معه يعني اذا تكلمو على الضروف ؟؟ ارجو الرد

اختي العزيزة
اصبح سفر الاخ مع الاخت كمحرم امر صعب جدا
لسببين
السبب الاول انه يعطى له تأشيرة سياحية وليست تأشيرة طالب
وهذه التأشيرة لا تعطى اكثر من 6 شهور
يعني كل 6 شهور اخوك يبي يروح لليبيا عشان التاشيرة
ثانيا ان ادارة البعتات بدأت تمنع سفر الاخ بسبب المشاكل اللي سببوهن الشباب في بلاد الخارج

ولاكن احب ان اسأل على تأشيرةة المرافق مع الزوج ( زي حالاتنا) f2 لايجدون فرصة الدراسة انا رحت لاكثر من مكان ايقولوي انت مش ممكن تقري عندنا وتعرفوا كساد الغربة كان واحد ما ايعبيش وقت فراغة بشئ مفيد ( انا اسكن في هيوستن بتكساس )

اول مرة اعرف هذه المعلومة اختي ..
اعتقد انه يمكن للمرافق الدراسة ولكن انتي غير جربي اكثر من مرة
بعدين عندي سؤال :
انتي تبي تقري معهد لغة او ماجستير او شنو ؟؟؟؟

الله ايبارك فيك اختي
انا الحقيقة اذا سخر الله نبي ندرس ماستر لاكن انا ماعنديش لغة فانا حسب اعتقادي انهم يعطوك سنة لغة وبعدين تقدمي مرة تانية يعطوك دراسة لاكن انا سمعت انهم ايخيروك بين الاكاديمي واللغة وانا مش عارفة حق ولالا
وبالنسبة لمحاولاتي كلها باءت بالفشل امشيت لزوز جامعات (هيرستن والرايس ) قالولي انت (اف2) مش ممكن تقري عندنا يا اخواتي بالك تعرفوا وحدة مرافقة لزوجها ودرست وكملت دراستها
افيدوني بالله عليكم

حسك خوفتيني لاني انا ايضا مرافقة لزوجي
اليوم حنسألك ونرد عليك وان شاء الله الكلام مش مزبوط يارب

بالنسبة للسفارة

F1 = الطالب
F2 = المرافق

بالنسبة لادارة البعتات

الموفد = وهو من حصل على منحه مدفوعة التكاليف الدراسية مع منحة شهرية
المرافق = من يرافق الموفد سواء زوجه او أخ أو عم كمحرم او زوج

المرافق حسب النظام في أمريكا لايحق له الدراسة في اللغة أكثر من 3 ساعات فقط...اي دوام جزئي..كما لايحق له الدراسة في الجامعة نهائيا .. الابعد تغيير الفيزا... الى فيزة طالب F1

تحتاج لأستخراج فيزة طالب من السفارة .. قبول من جهة دراسية في أمريكا .. ويجب ان تكون جهة دراسية معترف بها من قبل اللجنة الشعبية لتعليم العالي في ليبيا حتى يتم قبول ضمك لدراسة على حساب الدولة ... مثل معهد مثلا...

شنو رايك يا أخت نورة كلامي مزبوط الا شوية 3 ساعات شن بيديروا لواحد انجليزيته ضعيفة وكان اتجازفي وتحولي الفيزا تبدي مربوطة ومتقيدة انك لازم اتجيبي قبول قبل سنة المهم الحكاية املخبطة هلبه
اللي يبي يرضى بكورس وخلاص عادي
لاكن اللي خاطره يستمر مشكله
وتقعدي تستنى في الموافقة على الضم الاكاديمي من ليبيا
الخلاصة قصة
وانا كان نقعد بدون ما اندير حل نهبل
فانا زوجي جاي دكتوراه يعني اقل حاجة 4 سنوات